Шуу ясны дээд үзүүрийн хугарлын гол шалтгаан нь гараа дэлгэж унахаас болдог.

Авах арга хэмжээ

1-2 долоо хоног өвдөж, хавдана.

Хугарлын хэмжээ бага, хөдөлгөөн хийж чадахгүй байвал чиг, гар, тохой, шууг дэмжих сойлт хэрэглэнэ. 2-3 долоо хоног зүүнэ.

Хүнд хугарлын үед гэмтлийн эмчид үзүүлнэ. Хугарлын үед дараах мэс засал шаардлагатай:

• Төмөр бүрээс, хадаасаар ясыг барьж тогтоох.
• Хугарсан хэсгийг төмөр хэсгээр орлуулах
• Тасарсан шөрмөсийг холбох

Хугарлын зэрэг, бусад хүчин зүйлсээс хамаарч гарын хөдөлгөөн сайжрахгүй байх тохиолдол бий. Ихэнхдээ 6-8 долоо хоногийн дараа сайн эдгэнэ.

Өөртөө анхаарал тавих

Өвдөлт, хавдрыг намдаахын тулд:

• Гэмтсэн хэсэгт хүйтэн жин тавина. Мөсөөр жин тавихдаа алчууранд ороож тавина.
• Гараа зүрхэн тушаа байрлуулах нь хавдар буухад тустай.

Өвдөлт намдаахын тулд ибупрофен, напроксен, аспирин, ацетаинофен ууж болно. Эдгээр эмүүд жоргүйгээр олгогддог.

• Зүрхний өвчин, элэгний өвчин, цусны даралт ихсэлт, бөөрний өвчин, ходоодны шарх өвчтэй, цус алдалт болж байсан түүхтэй бол эмчлэгч эмчдээ хэлэх хэрэгтэй.
• Хүүхдэд аспирин өгч болохгүй.
• Эмийг зааврын дагуу, хэтрүүлэхгүй хэрэглэнэ.

Сойлт, чигийг хэрэглэх эмчийн өгсөн зааврыг дагана. Хэзээнээс дараах үйлдлүүдийг хийж болохыг эмчлэгч эмч хэлж өгнө:

• Сойлт, чиг зүүх хугацаандаа мөр, бугуй, хуруугаа хөдөлгөх
• Чигээ авч шүршүүр, ваннд орох

Чиг, сойлтоо хуурай байлгана.

Биеийн идэвхитэй байдал

Хэзээ сойлт, чигээ авч, тохойгоо ашиглан хөдөлгөөн хийж болохыг эмчлэгч эмч шийднэ.

• Тохойгоо аль болох эрт хөдөлгөөн хийж эхлэх нь цаашдаа хөдөлгөөний далайц сайжрахад тустай.
• Тохойгоо хөдөлгөж эхлэхэд ямар хэмжээний өвдөлтийг тэсвэрлэх хэрэгтэйг эмч зааж өгнө.
• Хүнд хугарлын үед сэргээн засах эмчилгээ шаардагдана.

Хэзээ спортоор хичээллэж, тохойгоо ашигласан хөдөлгөөн хийж болохыг эмчлэгч эмч шийднэ.

Хяналт

Гэмтлээс хойш 1-3 долоо хоногийн дараа хянуулна.

Ямар үед эмчид хандах вэ?

• Тохой чинэрэх, өвдөх
• Тохой тогтворгүй байх
• Чимчигнэх, мэдээгүй болох
• Арьс улайх, хавдах, шарх ангайх
• Тохойгоо нугалж чадахгүй байх, сойлт, чигээ авсаны дараа юм өргөж чадахгүй байх